روس میں کوئلے کی کان میں آتشزدگی سے 52 افراد ہلاک

اطلاع کے مطابق روسی شہر کیمرووف میں واقع کوئلے کی کان میں آتشزدگی سے  52 افراد موت کے منہ میں چلے گئے ہیں۔

روسی ہنگامی امور کی وزارت کا کہنا ہے کہ کیمرووف کی کوئلے کی کان میں تقریباً اڑھائی سو میٹر کی گہرائی میں  آگ بھڑک اٹھی،  آگ اور دھوئیں کے باعث 239 افراد کو کان سے باہر نکال لیا گیا ہے۔

اعلامیہ  میں واضح کیا گیا ہے کہ  اس حادثے میں 52 افراد ہلاک ہو گئے ہیں جن میں امدادی ٹیموں کے کارکنان بھی شامل ہیں۔

کان میں کل لگنے والی آگ سے کم ازکم گیارہ افراد کے ہلاک اور 45 کے زخمی ہونے کی اطلاع دی گئی تھی۔  روسی صدر نے ہلاک  ہونے والوں کے لواحقین سے اظہار تعزیت کیا تھا۔