تاجکسان اور کرغزستان کے درمیان فائر بندی پر ترکی کا اظہار مسرت

ترکی نے کہا کہ اسے خوشی ہے کہ تاجکستان اور کرغزستان کی سرحد پر شروع ہونے والا تنازعہ فریقین کی مشترکہ سوجھ بوجھ  سے حل ہو گیا ہے اور فائر بندی  قائم ہو گئی ہے۔

وزارت خارجہ کی جانب سے تحریری بیان میں کہا گیا ہے کہ "ہم دونوں دوست اور برادر ممالک کے درمیان سرحدی کشیدگی کے پرامن تصفیہ  کے لیے اپنی مخلصانہ خواہش کا اعادہ کرتے ہیں۔"

ایسے واقعات دوبارہ رونما نہ ہونے کی تمنا کے ساتھ بیان میں جاں بحق ہونے والوں کی مغفرت اور زخمیوں کی جلد صحت یابی کی خواہش کا اظہار کیا گیا ہے۔

گزشتہ شام کرغزستان اور تاجکستان کے سرحدی محافظوں کے درمیان جھڑپیں ہوئی تھیں جس دوران دو افراد ہلاک اور 21 افراد زخمی ہوگئے تھے۔

مذاکرات کے نتیجے میں دونوں ممالک نے مکمل جنگ بندی پر اتفاق قائم کر لیا تھا۔