شینگن ویزا ڈیجیٹل پلیٹ فارم کے ذریعے حاصل کرنے کا عمل درآمد

یورپی یونین کونسل اور یورپی پارلیمنٹ نے شینگن ویزوں کی ڈیجیٹلائزیشن سے متعلق نئے مسودہ قانون پر اتفاق قائم کر لیا ہے۔

جب نیا قانون نافذ ہو جائے گا، پاسپورٹ پر چسپاں ویزے ڈیجیٹل ہو جائیں گے اوران کا اجرا  انٹرنیٹ پر 2D بارکوڈ کے طور پر کیا  جائیگا۔

ویزا موبائل آلات پر ڈاؤن لوڈ کیے جا سکیں گے اور ویزا کے درخواست دہندگان کئی زبانوں میں آن لائن ویزا کے لیے درخواست دے سکیں گے۔

نئے نظام کے ساتھ، درخواستوں پر ایک ہی انٹرنیٹ پلیٹ فارم کے ذریعے کارروائی کی جائے گی۔ ضروری دستاویزات اس پلیٹ فارم کے ذریعے اپ لوڈ کیے جائیں گے، اور ویزا فیس یہاں جمع کی جا سکتی ہے۔

صرف وہ لوگ جو پہلی بار ویزا کی درخواست کرتے ہیں، جن کا بائیو میٹرک ڈیٹا درست نہیں ہے اور جن کے پاس نئے پاسپورٹ ہیں انہیں شینگن ممالک کے قونصل خانوں میں ذاتی طور پر اپلائی کرنا ہوگا۔

شینگن ویزوں کی ڈیجیٹلائزیشن کے ساتھ، اس کا مقصد لاگت کو کم کرنا اور ویزا کی درخواستوں کو تیز کرنا اور سہولت فراہم کرنا ہے۔ اس کے ساتھ ساتھ یورپی یونین کا مقصد اس طرح شینگن علاقے کی سکیورٹی کو بڑھانا ہے۔

مسودہ قانون یورپی یونین کے سرکاری جریدے میں شائع ہونے کے 20 دن بعد، یورپی کونسل اور یورپی پارلیمنٹ کی طرف سے اس کی باضابطہ منظوری کے بعد نافذ العمل ہو گا۔