پرتگال نے روسی سرمایہ کاروں پر اپنی "گولڈن ویزا" پالیسی بند کر دی
روزنامہ پبلیکو کے مطابق، یوکرین پر حملوں کے باعث ماسکو پر عائد یورپی پابندیوں کے جواز میں پرتگال نے یہ اقدام اٹھایا ہے
1878662
پرتگال نے سرمایہ کاری کے جواب میں 10 روسی سرمایہ کاروں کےلیے گولڈن ویزا سہولت کی درخواست مسترد کر دی ہے۔
روزنامہ پبلیکو کے مطابق، یوکرین پر حملوں کے باعث ماسکو پر عائد یورپی پابندیوں کے جواز میں پرتگال نے یہ اقدام اٹھایا ہے ۔
واضح رہے کہ سال رواں کے دوران پرتگال نے 43 روسیوں کو گولڈن ویزا جاری کیا تھا۔
پرتگال نے گولڈن ویزہ پالیسی سے سال رواں کے دوران اب تک 27 کروڑ 78 لاکھ یورو کی غیر ملکی سرمایہ کاری حاصل کی تھی ۔
روس۔یوکرین جنگ کے بعد یونان،جمہوریہ چیکاور مالٹا سمیت متعدد یورپی ممالک نے گولڈن ویزا پروگرام ملتوی کر دیا تھا جبکہ یونان نے سرمایہ کاری کی حد کو ڈھائی لاکھ یورو سے بڑھا کر5 لاکھ یورو کر دیا تھا۔