حماس: اسرائیل کے ساتھ کوئی حتّمی سمجھوتہ تاحال موضوعِ بحث نہیں ہے

فلسطین تحریک مزاحمت 'حماس' کے سیاسی بیورو کے رکن اسامہ الحمدان نے کہا ہے کہ اسرائیل کے ساتھ غزّہ کی پٹّی کے بارے میں کوئی حتّمی سمجھوتہ تاحال موضوعِ بحث نہیں ہے۔

پریس کانفرنس سے خطاب میں حمدان نے اسرائیل کے ساتھ قیدیوں کے دوسرے تبادلے اور غزّہ میں مکمل فائر بندی کے بارے میں بیانات جاری کئے ہیں۔

انہوں نے کہا ہے کہ فائر بندی اور قیدیوں کے تبادلے کے بارے میں تاحال کوئی حتمی سمجھوتہ طے نہیں کیا گیا۔ ہمیں بعض پیشکشیں کی گئیں اور بعض تجاویز دی گئی ہیں۔ بحیثیت حماس ہم اس موضوع  پر  کام کر رہے ہیں اور فلسطینی عوام کے مفادات کو پیش نظر رکھتے ہوئے کوئی فیصلہ کریں گے۔

انہوں نے کہا ہے کہ فرانس کے دارالحکومت پیرس کے اجلاس میں ممکنہ سمجھوتے کا عمومی ڈھانچہ بِل حماس کو موصول ہو گیا ہے۔ جیسے ہی اسرائیل غزّہ کی پٹّی پر حملے مکمل بند کرتا اور علاقے سے تمام قابض فورسز کو پیچھے ہٹاتا ہے  ہم سمجھوتے پر توجہ مرکوز کر دیں گے۔

 اسامہ الحمدان نے کہا ہے  کہ سمجھوتے میں ،غزّہ کے عوام پر 17 سال سے لگائے گئے، محاصرے کے خاتمے، علاقے کی تعمیرِ نو اور سنجیدہ سطح پر قیدیوں کے تبادلے کے موضوعات بھی شامل ہیں۔