سوڈان نے متحدہ عرب امارت کے سفارتی عملے کو ملک ترک کرنے کا الٹی میٹم دے دیا

سوڈان نے ملک میں متعین متحدہ عرب امارات کے 15 رکنی سفارتی عملے سے 48 گھنٹوں کے اندر اندر ملک ترک کرنے کا مطالبہ کر دیا ہے۔

سوڈان وزارت خارجہ نے جاری کردہ تحریری بیان میں کہا ہے کہ سوڈان میں متحدہ عرب امارت کی نائب چارج ڈی افیئر بدریہ الشیخی  کو، متحدہ عرب امارات کے 15 سفارتی اہلکاروں کو ناپسندیدہ شخصیات قرار دیئے جانے کے، فیصلے سے آگاہ کر دیا گیا ہے۔

بیان میں کہا گیا ہے کہ مذکورہ 15 افراد سے 48 گھنٹوں میں سوڈان سے نکلنے کا مطالبہ کیا گیا ہے۔

واضح رہے کہ سوڈان خودمختاری کونسل کے رکن اور فوج کے نائب  سربراہ جنرل یاسر العطا نے 27 نومبر کو دارالحکومت خرطوم  کے مغربی شہر اُم درمان میں واقع وادی السّیدنا  فوجی ایئر بیس پر جاری کردہ خطاب میں کہا تھا کہ "متحدہ عرب امارات ایک مافیا ملک ہے اور ہمسایہ ممالک کے ہوائی اڈوں کو استعمال کر کے سوڈان  پیراملٹری فروسز کے ساتھ مسلسل تعاون کر رہا ہے۔