متحدہ عرب امارات کے سربراہ شیخ خلیفہ بن زاید کی وفات پر ترک صدر کا اظہار تعزیت

صدر رجب طیب ایردوان نے  وفات پانے والے متحدہ عرب  امارات کے صدر مملکت شیخ خلیفہ  بن زائد الا نہیان   کی مغفرت کی دعا کی ہے۔

صدر ایردوان نے استنبول میں پریس  مندوبین کو  ایجنڈے کے  بارے میں سوالات کا جواب دیا۔

انہوں نے الا نہیان کی وفات کے بارے میں بات کرتے ہوئے کہا کہ  الا نہیان طویل مدت سے زیر علاج تھے اور آج یہ قضائے الہی  سے وفات پا گئے ہیں ، اللہ کریم آپ کی مغفرت  فرمائے۔

یو اے ای کی  سرکاری   نیوز ایجنسی وام نے     دفتر داخلہ کے حوالے سے اپنی  خبر میں   اطلاع دی تھی کہ  74 سالہ   الا نہیان  وفات پا گئے ہیں۔

وزارت کی جانب سے جاری کردہ تحریری بیان میں کہا گیا ہے کہ ملک میں 40 روزہ سرکاری سوگ کا اعلان کیا گیا ہے اور پرچم سرنگوں کیے جائیں گے جب کہ وزارتوں، سرکاری دفاتر اور  نجی  شعبے کے دفتروں میں 3 دن تک کام  کاج معطل رہے گا۔

متحدہ عرب امارات کے پہلے صدر زید بن سلطان النہیان کے بڑے بیٹے خلیفہ بن زاید نے 2004 میں اپنے والد کی وفات کے بعد عہدہ سنبھالا تھا۔