ایران کی جانب سے فرانس، جرمنی اور برطانیہ پر اسرائیلی دہشت گردی کی پشت پناہی کا الزام

ایرانی وزیر خارجہ جواد ظریف نے ای۔3 کے نام سے منسوب جرمنی، برطانیہ اور فرانس  کو ’’ اسرائیلی دہشت گردی کی اندھے پن کے ساتھ پشت پناہی کرنے‘‘ ک موردِ الزام ٹہرایا ہے۔

ظریف نے ایران کے ساتھ  طے جوہری معاہدے کے دائرے کو وسعت دینے  کا مطالبہ کرنے والے جرمن وزیر خارجہ ہیکو ماس سے مخاطب ہوتے ہوئے کہا’’کہ آپ پہلے ہمارے خطے میں اپنے نقصان دہ مؤقف اور اسرائیلی دہشت گردی کی  جان بوجھ  کر پشت پناہی کرنے کے عمل کو نکتہ پذیر کریں۔‘‘

ایرانی وزیر نے اپنے ٹویٹر پیغام میں جرمنی کے اسرائیل کو یورپی ویکسینشن پروگرام میں داخل کرنے تا ہم فلسطین کو اس سے باہر رکھنے کے بارے میں ٹی آرٹی ورلڈ پر نشر ہونے والی ایک خبر کا حوالہ بھی دیا اور کہا کہ ایران پر پالیسیاں ثبت کرنے سے قبل  اس  واہیات  کووڈ اپارٹ ہیڈ کو روکیں۔

انہوں نے مزید کہا کہ  اقوام متحدہ کی سلامتی کونسل کی 2231 نمبر کی قرار داد  کے مطابق آپ اپنی ذمہ داریوں کو پورا کریں اور  جوہری معاہدے کی خلاف ورزیوں اور ہمارے علاقے میں مضر پالیسیوں کاقلع قمع کریں۔