ایرانی میڈیا میں آیا صوفیہ کے افتتاح پر تعریفی خبریں

ایرانی سرکاری ٹیلی ویژن نے  آیا صوفیہ جامع مسجد کو 86 برسوں بعد عبادت کے لیے کھولے جانے کو ’’صدی کے اہم ترین واقعات میں سے ایک‘‘ کے طور  پر پیش کیا ہے۔

ایرانی سرکاری ٹیلی ویژن  ، ایرانی سرکاری خبر ایجنسی ایرنا اور فارس  خبر ایجنسی سمیت ایرانی میڈیا نے مسجدِ کبیر آیا صوفیہ کی افتتاحی تقریب کے مناظر کے ساتھ اس سے متعلقہ خبر کو رائے عامہ تک پہنچایا۔

ایرانی میڈیا  نے واضح کیا ہے کہ  آیا صوفیہ کی میوزیم کی حیثیت کو امریکہ، فرانس، مصر اور یونان کے اعتراضات کے باوجود 86 برسوں کے بعد صدر رجب طیب ایردوان کی جانب سے ہٹاتے ہوئے اسے  دوبارہ سے مسجد کادرجہ دے دیا گیا ہے۔

خبروں میں  اطلاع دی گئی ہے کہ ہزاروں کی تعداد میں مسلمانوں نے آیا صوفیہ میں پہلی نمازِ جمعہ کی ادائیگی کے لیے ترکی کے چاروں گوشوں سے استنبول کا رخ کیا۔  اس موقع پر منعقدہ تقریب کی اندرون  و بیرون ِ ملک  کے میڈیا  نے  وسیع پیمانے کی کوریج دی۔

خبروں میں یہ بھی بتایا گیا ہے  کہ صدرِ ترکی نے مسجد میں تقریب کا آغاز تلاوت ِ کلام ِ پاک سے کیا۔