بنگلہ دیش میں آاسمانی بجلی گرنے سے 16 باراتی لقمہ اجل

بنگلہ دیش میں  ایک شادی ہال پر آسمانی بجلی گرنے سے 16 افراد جان بحق ہو گئے۔

چپینا واب گنج  سے منسلک شیب گنج میں شادی کی تقریب جاری  تھی کہ طوفان پھوٹ پڑا، اسی دوران  آسمانی بجلی  گری جس سے 16 باراتی اپنی جانوں سے ہاتھ دھو بیٹھے۔

دلہن اسوقت  جائے تقریب سے تھوڑی دوری پر ہونے کے باعث  اس قدرتی آفت کا نشانہ بننے سے بال بال بچ گئی، جبکہ  دلہا زخمی ہو گیا۔

جنوب مشرقی ایشیائی ملک بنگلہ دیش  میں ہر برس سینکڑوں افراد آسمانی بجلی کا نشانہ بن جاتے ہیں۔

بعض ماہرین کا کہنا ہے کہ موسمی تغیرات کے اثرات میں گراوٹ لانے کے لیے  لگائے گئے  لاکھوں کی  تعداد میں کھجور کے درخت  آسمانی بجلی  کے گرنے کا موجب بن رہے  ہیں اور ان سے اموات میں اضافہ ہو رہا ہے۔