ایران، اسرائیل کے خلاف کسی بھی وقت انتقامی کارروائی کر سکتا ہے، امریکی صدر
ہم اسرائیل کے دفاع کے لیے پرعزم ہیں۔ ہم اسرائیل کا ساتھ دیں گے
2127236
امریکی صدر جو بائیڈن کا کہنا ہے کہ یکم اپریل کو شام میں ایران کے سفارت خانے کے احاطے میں قونصل خانے کی عمارت کو نشانہ بنانے والے اسرائیل کے خلاف تہران کسی بھی وقت انتقامی کارروائی کر سکتا ہے۔
وائٹ ہاؤس میں صحافیوں سے بات کرتے ہوئے بائیڈن سے ایران کے اسرائیل پر ممکنہ حملے کے بارے میں دریافت کیا گیا۔
یہ پوچھے جانے پر کہ ایران کب تک اسرائیل پر حملہ کر سکتا ہے، بائیڈن نے کہا، " کاش میرے پاس اس بارے قابل اعتماد معلومات ہوتیں، تاہم میری توقع ہے کہ یہ کسی بھی وقت ہو سکتا ہے۔"
بائیڈن نے ایران کو اسرائیل پر حملہ نہ کرنے کی تنبیہ کرتے ہوئے کہا کہ "ہم اسرائیل کے دفاع کے لیے پرعزم ہیں۔ ہم اسرائیل کا ساتھ دیں گے۔ ہم اسرائیل کے دفاع میں مدد کریں گے، اور ایران کامیاب نہیں ہو سکے گا۔"