امریکہ، سردی کی یخ بستہ لہر سے شہری بری طرح متاثر
مغربی ریاست اوریگون میں برفانی طوفان کی وجہ سے ہنگامی حالت کا اعلان کیا گیا ہے تو پنسلوانیا، کیلیفورنیا اور انڈیانا میں بھی بجلی کی بندش ہے
امریکہ کے کئی علاقوں میں گزشتہ ایک ہفتے سےخراب موسمی صورتحال کے باعث پیش آنے والے واقعات میں 80 سے زائد افراد اپنی جانوں سے ہاتھ دھو بیٹھے۔
سی بی ایس نیوز کے مطابق لاکھوں امریکی موسم سرما کے منفی حالات سے متاثر ہوئے ہیں۔
مغربی ریاست اوریگون میں برفانی طوفان کی وجہ سے ہنگامی حالت کا اعلان کیا گیا ہے تو پنسلوانیا، کیلیفورنیا اور انڈیانا میں بھی بجلی کی بندش ہے۔
گزشتہ ہفتے کے دوران ملک بھر میں سخت موسمی حالات کے باعث ہونے والے حادثات میں 80 سے زائد افراد جاں بحق ہوئے ہیں تو ہفتے کے آغاز میں بھی سردی کی لہر جاری رہے گی۔
یہ کہا گیا ہے کہ 100 ملین سے زیادہ لوگ قطبی سردی سے منفی طور پر متاثر ہیں۔
موسم کی خراب صورتحال کے باعث تقریباً ایک لاکھ شہریوں کو بجلی کی سہولت فراہم نہیں کی جا سکی۔
دوسری جانب ریاست ٹینیسی میں 10 ملین افراد سے کہا گیا ہے کہ وہ لوڈ شیڈنگ سے بچنے کے لیے توانائی کی بچت کریں۔
