شمالی کوریا کا بیلسٹک میزائل کا نیا تجربہ

شمالی کوریا نے اطلاع دی ہے کہ اس نے ایک ہائیپرسونک وار ہیڈ کے ساتھ ٹھوس ایندھن سے چلنے والے درمیانے فاصلے تک مار کرنے والے بیلسٹک میزائل کا تجربہ کیا ہے۔

شمالی کوریا کی مرکزی خبر رساں ایجنسی کے مطابق، درمیانے فاصلے تک مار کرنے والے میزائل کی پرواز کا تجربہ "ہائپر سونک  مڑ  سکنے والے  وار ہیڈ کے کنٹرول اور تدبیر کے ساتھ ساتھ نئے تیار کردہ ہائی تھرسٹ ٹھوس ایندھن کے انجنوں کی سلامتی  کی تصدیق کے لیے کیا گیا۔"

شمالی کوریا کی نیشنل ایروناٹکس اینڈ اسپیس ڈیولپمنٹ ایڈمنسٹریشن کی جانب سے جاری کردہ بیان میں کہا گیا ہے کہ کل کاہائپرسونک وار ہیڈ کے ساتھ درمیانے فاصلے تک مار کرنے والے میزائل کا تجربہ "نئے ہتھیاروں کی تیاری کے لیے دفاعی صنعت کی باقاعدہ سرگرمیوں کا حصہ تھا۔"

بیان میں کہا گیا کہ اس ٹیسٹ سے ہمسایہ ممالک کی سلامتی پر کوئی اثر نہیں پڑا اور اس کا علاقائی صورتحال سے کوئی تعلق نہیں، اور دعویٰ کیا گیا کہ یہ تجربہ اپنے مقاصد کے مطابق کامیابی سے کیا گیا۔