ناورو نے تائیوان کے ساتھ سفارتی تعلقات منقطع کر دیئے

جنوبی بحرالکاہل کے جزیرہ ملک 'ناورو' نے تائیوان کے ساتھ سفارتی تعلقات منقطع کرنے کا اعلان کیا ہے۔

ناورو حکومت نے جاری کردہ تحریری بیان میں کہا ہے کہ "ہم جمہوریہ چین کو، چین کے واحد نمائندہ کی حیثیت سے، تسلیم کرتے ہیں۔ ہم،  اقوام متحدہ جنرل کمیٹی  کے فیصلہ نمبر 2758کی رُو سے "واحد چین" کے اصول کے تحت ، جمہوریہ چین کو پورے چین کی واحد نمائندہ حکومت  تسلیم کرتے ہیں"۔

بیان میں کہا گیا ہے کہ' ناورو' اب کے بعد تائیوان کو بحیثیت ایک الگ ملک کے تسلیم نہیں کرے گا۔ تائیوان کو چین کا ناگزیر حصہ  قبول کیا جائے گا۔ تائیوان کے ساتھ تمام سفارتی تعلقات منقطع کر دیئے گئے ہیں اور اب کے بعد تائیوان کے ساتھ سرکاری روابط اور ملاقاتیں نہیں ہوں گی"۔

ناورو کے تائیوان کے ساتھ تعلقات منقطع کرنے کے بعد تائیوان کو سفارتی سطح پر تسلیم کرنے والے ممالک کی تعداد کم ہو کر 11 ہو گئی ہے۔

ناورو سے قبل وسطی امریکہ کے ملک ہونڈرس نے 26 مارچ کو تائیوان کے ساتھ سفارتی تعلقات منقطع کر کے بیجنگ کو چین کا واحد نمائندہ تسلیم کرنے کا اعلان کیا تھا۔

واضح رہے کہ چین تائیوان کو اپنا حصہ قرار دیتا ہے لیکن تائیوان 1949 سے اب تک عملی طور پر چین سے الگ ہے۔