ٹرمپ کی جانب سے مہاجرین کو ملک سے بھیجنے کے عزم کا اظہار

سابق امریکی صدر ڈونلڈ ٹرمپ نے ایک بار پھر صدر منتخب ہونے کی صورت میں مہاجرین کو ملک سے بھیجنے کے عزم کا اظہار کیا ہے۔

سی این این کے مطابق ٹرمپ نے اپنی انتخابی مہم کے دوران نیواڈا میں  غیر قانونی تارکین وطن کے بارے میں بیانات دیے۔

مہاجرین کے "امریکہ پر قبضہ کرنے" کا ذکر کرنے والے ٹرمپ نے  اپنا وعدہ دہرایا کہ اگر وہ صدر منتخب ہوئے تو تارکین وطن کو "ملکی تاریخ کی سب سے بڑی جلاوطنی" کا سامنا کرنا پڑے گا۔

تارکین وطن کے حوالے سے پالیسیوں کو وسعت دینے پر زور دیتے ہوئے، ٹرمپ نے کہا کہ "وفاقی قانون نافذ کرنے والی افواج کا ایک بڑا حصہ امیگریشن سے متعلقہ یونٹس میں منتقل کر دیا جائے گا، اور  بیرون ملک  سے بعض افواج کو جنوبی سرحد پر واپس بلا لیا جائے گا۔"