نائجر کے پیرس  میں  سفیر کے صاحبزادے کو عبوری حکومت تسلیم نہ کرنے پر گرفتار کرلیا گیا

نائجر کے پیرس  میں  سفیر اچاٹو بولاما کین کےصاحبزادے  جنہوں نے   نائیجر میں باغی  انتظامیہ کو تسلیم  نہ کرنے کا اعلان کیا تھا کو  فوجی  جنتا نے گرفتار کر لیا ہے۔

مقامی میڈیا رپورٹس کے مطابق، سفیر کین کے صاحبزادےجو    نائجر پوسٹل سروسز کے ڈائریکٹر جنرل ہیں   کو بدعنوانی اور عوامی فنڈز کے غبن کے الزام میں گرفتار کیا گیا ہے۔

نیشنل کونسل فار دی پروٹیکشن آف دی ہوم لینڈ (CNSP) نے 3 اگست کو اعلان کیا کہ ابوجا، پیرس، لوم اور واشنگٹن میں نائجر کے سفیروں کو برخاست کر دیا گیا ہے۔

اس کے بعد، پیرس کے سفیر کین نے اعلان کیا کہ وہ جنتا کے فیصلے کو تسلیم نہیں کرتے اور اعلان کیا کہ وہ اپنی ڈیوٹی جاری رکھیں گے۔

نائجر میں، صدر محمد بازوم کو صدارتی گارڈ رجمنٹ کےادستوں نے 26 جولائی کو حراست میں لے لیا، اور اسی شام فوج نے اقتدار پر قبضہ کرنے کا اعلان کردیا ۔

صدارتی گارڈ رجمنٹ کے کمانڈر جنرل عبدالرحمٰن ٹچیانی نے 28 جولائی کو نیشنل کونسل فار دی پروٹیکشن آف دی ہوم لینڈ (CNSP) جنتا کی قیادت سنبھالی اور عبوری حکومت کے سربراہ بن گئے۔