سات افریقی ممالک اور روس نے روسی اناج کی برآمدات پر سے پابندیاں ہٹانے کا مطالب

یوکرین کے امن مشن میں شامل سات افریقی ممالک اور روس نے روسی اناج کی برآمدات پر سے پابندیاں ہٹانے کا مطالبہ کیا۔

روس کے صدارتی محل کریملن نے یوکرین کے بحران کے حل پر روسی صدر ولادیمیر پوٹن اور سات ممالک پر مشتمل افریقی امن مشن کے رہنماؤں کے درمیان مشترکہ بیان جاری کیا ہے۔

17 جون کو رہنماؤں کے درمیان ہونے والی پہلی ملاقات میں کہا گیا تھا کہ یوکرین اور روس کے درمیان قیدیوں کے تبادلے کے ساتھ ساتھ بچوں کے حقوق کے معاملات میں پیش رفت ہوئی ہے اور اس بات پر زور دیا گیا کہ فریقین اس حوالے سے کوششیں جاری رکھیں گے۔

بیان میں، جس میں روس سے اناج اور کھاد کی برآمدات پر زور دیا گیا،"رہنماؤں نے روسی اناج اور کھاد کی برآمدات کی راہ میں حائل رکاوٹوں کو دور کرنے کے لیے ٹھوس اقدامات کرنے  کی اہمیت کو بیان کیا۔

بیان میں اس بات پر زور دیا گیا کہ اقوام متحدہ کو ضروری اقدامات کرنے چاہئیں تاکہ 200 ہزار ٹن روسی کھاد، جس کا اخراج یورپی یونین کی بعض بندرگاہوں پر روکا گیا تھا، کو مفت افریقہ بھیج دیا جا سکے، "رہنماؤں نے اتفاق کیا ہے کہ امن کا راستہ کھولنے کے لیے افریقی امن اقدام پر مذاکرات جاری رکھے جائینگے۔"