سینیگال:تبلیغی جماعت میں جانے والے گروہ پر حملہ،15افراد ہلاک

 سینیگال میں ایک تبلیغی جماعت کی تقریب میں جانے والے نائیجیرئن باشندوں کا ایک پندرہ رکنی گروہ برکینا فاسو میں مارا گیا۔

 مقامی پریس کےمطابق، سینیگال کے علاقے کوالاک میں شیخ ابراہیم نیاس کی تبلیغی جماعت کی ایک تقریب میں شرکت کی غرض سے جانے والےنائیجیرئن گروپ پر برکینا فاسو میں حملہ کیا گیا  جس میں پندرہ افراد مارے گئے۔

اس واقعے کو نائیجیرئن صدر محمد بخاری نے افسوس ناک قرار دیتے ہوئے بتایا ہے کہ نائیجیریا اور برکینا فاسو کی حکومتیں رابطے کی حالت میں ہیں اور اس واقعے میں ہلاک  شدگان کی میتوں کے تحفظ کے لیے ہر ممکنہ اقدامات کیے جائیں گے۔

یاد رہے کہ  ہمسایہ ملک مالی میں القائدہ اور داعش سے وابستہ  دہشتگرد گروپس سال 2015 سے علاقے میں سرگرم ہیں اور حملے کرتے رہتے ہیں۔