چاووش اوُغلی: گۆن باتار تراکیا تۆرکلری هیچ هاچان یکِه قوُیولماز

تۆرکیأنینگ داشاری ایشلر وزیری مولود چاووش اوُغلی گۆن باتار تراکیا تۆرکلری نینگ هیچ هاچان یکه قوُیولماجاقدیغینی آیتدی.

چاووش اوُغلی گۆن باتار تراکیانینگ تۆرکلری نینگ گنگه‌شچی آغضالارینا پایتاغت آنکارادا یر ایه چیلیگینی اتدی.

تۆرک وزیر "یونان، لوزان ایلالاشیغینی و کؤکدِشلریمیزینگ اساسی انسان حاقلارینی باسغیلاماغا دوُوام ادیأر. گۆن باتار تراکیا تۆرکلرینی هیچ هاچان یکه قوُیمادیق، یکه ده قوُیماریس" دیدی.

مولود چاووش اوُغلی یونان ینگ گۆن باتار تراکیا تۆرکلری نینگ تۆرک بوُلاندیقلارینی رسمی یاغدایدا تانامایاندیغینا دا اۆنس چکدی.

اوروپانینگ انسان حاقلاری قاضیه تی نینگ یونان دوُلانشیغی نینگ بو حقوقسیزلیغینی 3 گِزه ک محکوم ادندیگینی آیدان چاووش اوُغلی آتن دوُلانشیغی نینگ 15 ییلدان بأری اوروپا قاضیه تی نینگ قاراییشلارینا أسگِرمِزچیلیک ادیأندیگینی یاتلاتدی.

چاووش اوُغلی سوُنگقی 15 ییلدا یونان ینگ 90-دان کؤپ تۆرک اوُقووجایینی یاپاندیغینی و تأزه اوُقووجایلاری نینگ آچیلماغینا روغصات برمه یأندیگینی بیلدیردی.