تۆرکمنیستان ینگ طبیغی گازی آذربایجان ینگ اۆستی بیلن تۆرکیأ یتیرلر

تۆرکمنیستان ینگ طبیغی گازی نینگ آذربایجان و گۆرجیستان ینگ اۆستی بیلن تۆرکیأ یتیریلمه گی بیلن باغلانشیقلی ایلالاشیق شرطناماسینا قوُل چکیلدی.

انرژی و طبیغی سریشده لر وزیری آلپ آرسلان بایراقتار و آذربایجان ینگ ایقدیصادیه ت وزیری میکاییل جباروف ایستامبول دا گچیریلن تۆرکیه- آذربایجان ینگ طبیغی گاز پوداغیندا حیذماتداشلیغی نینگ قوُل چکیشمه داباراسینا قاتناشدی.

دابارادان سوُنگرا گچیریلن مطبوغات گنگه شینده بیانات برن بایراقتار ایکی یوردونگ شو واغتا چنلی کؤپ سانلی اوُرتاق پروژه آلیپ باراندیقلارینی یاتلادیپ،

"باشدا باکو- تفلیس- جیحان چیغ نبیت توربا حاطی بوُلماق بیلن آذربایجان و قفقازینگ نبیتینی تۆرکیأ و تۆرکیه اۆستی بیلن دۆنیأ بازارلارینا یتیریأریس" دیدی.

بایراقتار باکو- تفلیس – ارضروم طبیغی گاز تورباسی و ترانس آنادولو طبیغی گاز پروژه سی حاقیندا دا ماغلومات بردی و تۆرکمنیستان ینگ طبیغی گازی نینگ آذربایجان و گۆرجیستان آرقالی تۆرکیأ یتیریلجکدیگینی آیتدی.