Prezident Erdogan, Aliýa Izzetbegowiçiň Gubyryna Gül Desselerini Goýdy

Prezident R. T. Erdogan, Bosniýa-Gersegowinanyň ilkinji Prezidenti Aliýa Izzetbegowiçiň gubyryna gül desselerini goýdy.

Resmi sapar bilen Bosniýa-Gersegowina giden Prezident Erdogan geçiren özara duşuşyklaryndan soň Kowaji şehitligine bardy. Şehitlige gül desselerini goýan Prezident Erdogan soň Bosniýa-Gersegowinanyň ilkinji Prezidenti Aliýa Izzetbegowiçiň gubyryna baryp gül desselerini goýdy.

Prezident Erdoganyň Balkan ýurtlaryna guraýan saparyna ýoldaşlyk edýän Din işleri edarasynyň başlygy Ali Erbaş merhum Izzetbegowiçiň gurybynda doga etdi.

Soň Türkiýe-Bosniýa-Gersegowina işewürler forumyna gatnaşan Prezident Erdogan, forumda eden çykyşynda, iki ýurduň arasynda diplomatik gatnaşyklaryň ýola goýulmagynyň 30 ýyllygynyň bellenilip geçilýändigini belledi.

Türkiýe Respublikasy hökmünde Bosniýa-Gersegowina bilen edilýän gatnaşyklara uly ähmiýet berýändiklerine ünsi çeken Erdogan “Bosniýa-Gersegowina meselesinde hemişe içgin, adalatly we birleşdiriji syýasat alyp bardyk. Bosniýa-Gersegowinanyň durnuklylygy, asudalygy we galknyşy biziň üçin diýseň möhüm. Bosniýa-Gersegowinanyň özygtyýarlygyna, bitewiligine we syýasy durnuklylygyna goldaw bermäge dowam ederis” diýip belledi.