Gresiýanyň Ankaradaky Ilçisi Daşary İşler Ministrligine Çagyryldy
Lazaris, ýurdunyň terror guramalaryna berýän goldawy sebäpli Daşary işler ministrligine çagyryldy.
Gresiýanyň Ankaradaky Adatdan daşary we Doly ygtyýarly ilçisi Hristodulos Lazaris, ýurdunyň terror guramalaryna berýän goldawy we Afinide Türkiýäniň ilçihanasynyň golaýynda terror guramasy PKK-nyň tarapdarlary tarapyndan geçirlen ýöriş sebäpli Daşary işler ministrligine çagyryldy.
Diplomatik çeşmeleriň berýän maglumatyna görä, Daşary işler ministrligine çagyrlan Lazarise, Türkiýäniň waka garşylyk görkezýändigi aýdyldy.
Gresiýanyň terror guramasynyň propagandasyna rugsat bermeginiň, terrorçylaryň Gresiýada erkin ýagdaýda hereket etmeginiň Türkiýäni biynjalyk edýändigi nygtaldy.
Türkiýäniň howpsyzlygyna wehim salýan terrorçylaryň logistiki we tälim mümkinçiliklerinden peýdanýan Lawrion düşelgesi hakynda ilçä maglumat berildi.
Lawrion düşelgesiniň terror guramasy PKK-nyň Yrakdaky we Siriýadaky düşelgeleri ýaly terror öýjügüne öwrülendigi bellenildi.
Şol düşelgeden başlan Türkiýäniň Afinidäki ilçihanasynyň golaýynda PKK-nyň ýörişi ýagdaýyna gelen askiýa Türkiýänin berk garşylyk görkezendigi ýatladyldy.
Gresiýanyň terrora garşy göreşde goňşuçylyk gatnaşyklaryna we halkara hukugyna esaslanýan jogapkärçiliklerini ýerine ýetirmeginiň möhümdigi bellenildi.
Degişli Habarlar
Türkiýe, Owganystana Ynsanperwer Kömegini Berdi
24 tonnalyk ynsanperwer kömegi azyk hatyrlaryndan we lukmançylyk enjamlaryndan ybarat.
Atatürki Hatyralama, Ýaşlar we Sport Baýramy Nýu-Ýorkda Bellenilip Geçildi
Çärede şehitler üçin hormatly dymyşlyk edildi we döwlet senagasy ýerine ýetirildi.