Yragyň demirgazygynda 9 terrorçy täsirsiz ýagdaýa getirildi
Yragyň demirgazygyndaky Gara sebitinde ekstremist terror guramasy PKK/KJK-a agza 9 terrorçy täsirsiz ýagdaýa getirildi
Howpsuzlyk çeşmelerinden alynan maglumata görä Milli Howpsuzlyk gullugy we Türkiýäniň Ýaragly güýçleri Gara sebitinde umumy operasiýa geçirdiler.
Operasiýanyň netijesinde PKK/KJK-a agza 9 terrorçy täsirsiz ýagdaýa getirildi.
Beýleki tarapdan bolsa Siriýanyň demirgazygyndaky Ýewfrat Galkany operasiýasy sebitine minomýot we köp nilli raketalar bilen hüjüm guran ekstremist terror guramasy PKK/ÝPG-e agza 8 terrorçy täsirsiz ýagdaýa getirildi.
Türkiýäniň Milli Goranmak ministrliginiň Twitter hasabyndan berilen beýanatda: "Siriýanyň demirgazygyndaky Ýewfrat Galkany operasiýasy sebitine minomýot we köp nilli raketalar bilen hüjüm guran PKK/ÝPG-e agza terrorçylara berk garşylyk görkezildi. Ilkinji kesgitlemelere görä hüjüm guran PKK/ÝPG-e agza 8 terrorçy täsirsiz ýagdaýa getirilip, terrorçylar tarapyndan ulanylan ulag hem hatardan çykaryldy" diýip habar berildi.
Degişli Habarlar
Prezident Erdogan, Gazagystanyň Premýer-ministrini Kabul Etdi
Gazagystanyň Premýer-ministri Olžas Bektenow Ankarada saparda boldy