Prezident Erdogan Italiýanyň Premýer Ministri Bilen Telefon Arkaly Söhbetdeşlik Geçirdi
Erdogan, Italiýanyň Türkiýe-ÝB gatnaşyklarynyň güýçlendirilmegine goldaw bermäge dowam etjekdiginine ynanýandygyny belledi.
Prezident R. T. Erdogan, Italiýanyň Premýer ministri Mario Dragi bilen telefon arkaly söhbetdeşlik geçirdi.
Prezident Erdogan telefon söhbetdeşliginde Italiýanyň Türkiýe-ÝB gatnaşyklarynyň güýçlendirilmegine we agzalyk etabyna güýçli goldaw bermäge dowam etjekdiginine ynanýandygyny belledi.
Erdogan, Gümrük bileleşigi şertnamasynyň gözden geçirilmegi üçin gepleşikleriň gysga wagtda we şertsiz başlamagynyň we her bir ýurt üçin bähbitli bolan İmmigrantlar ylalaşygynyň ýaňadandan seljerilmeginiň möhümdigini nygtady.
Prezident Erdogan, Owganystanyň Talibanyň gözegçiligine geçmegi bilen täze atmosferanyň emele gelendigini, owgan halkyna ynsanperwer kömeginiň berilmegi üçin Taliban bilen gepleşikleriň geçirilmelidigini beýle bolman halatynda uly göç tolkunynyň başlajakdygyny ýatlatdy.
Italiýanyň Premýer ministri bolsa Prezident Erdogany, ýurdunyň döwürleýin ýolbaşçylygynda oktýabr aýynda Rimde geçiriljek G-20-ä agza ýurtlaryň liderler maslahatyna çagyrdy.
Degişli Habarlar
Prezident Erdogan, Gazagystanyň Premýer-ministrini Kabul Etdi
Gazagystanyň Premýer-ministri Olžas Bektenow Ankarada saparda boldy