Kommunikasiýalar edarasy Malazgirt Ýeňişi bilen bagly wideo taýarlady

Prezidentiň ýanyndaky Kommunikasiýalar edarasynyň başlygy Fahrettin Altun, Malazgirt ýeňeşiniň 950 ýyllygyna bagyşlanyp taýarlanan wideony sosial media hasabynyň üsti bilen paýlaşdy. 

Altun: "Malazgirt ýeňişiniň 950-nji ýylynda Anadolynyň basybalyjysy, beýik serkerde Soltan Alparslany we eziz şehitlerimizi uly hormat bilen hatyralaýaryn" diýip belledi. 

"Anadoly bar bolsa biz hem bardyrys" sözbaşyly wideo 1 minut 45 sekunt dowam edýär. 

Soltan Alparslanyň beýik ýeňişden ozal aýdan "Ýak ýeňiş gazanaryn maksadyma ýeterin, ýa-da şehit bolup jennede giderin" sözleri bilen başlaýan wideoda, Malazgirtden Milli Azat edijilik söweşine çenli Anadoly ugrunda alynyp barylan gahrymançylykly göreşler suratlandyrylýar. 

Wideoda: "950 ýyl ozalky tolgunmadan hiç zat ýitirmedik, tebigaty, taryhy, adamlary bilen deňsiz-taýsyz bolan bu toprak bölegini bagryna basan, iki gözi dek garan milletimiz, Anadolynyň ýurt hökmünde tutunmagynyň şatlygyny başyndan geçirýär. Malazgirt ýeňişimiz gutly bolsun" sözleri bilen tamamlanýar.