“Işçi Doganlarymyň Zähmetkeşler we Raýdaşlyk Gününi Gutlaýaryn”

Prezident R. T. Erdogan 1-nji maý Zähmetkeşler we raýdaşlyk güni mynasibetli ýüzlenme çap etdi.

 “Arman ýadaman zähmet çekip ýurdumyzy galkyndyrýan işçi doganlarymyň 1-nji maý Zähmetkeşler we raýdaşlyk gününi gutlaýaryn” diýen Prezident Erdogan ýüzlenmesinde şu günki güne çenli durmuşa geçiren ykdysady ösüş syýasatlarynda işçileriň hak-hukuklarynyň we bähbitleriniň goralmagyna uly ähmiýet berendiklerini nygtady.

Prezident Erdogan, ýüzlenmesinde işleýän her bir adamyň iş şertleriniň kadalaşdyrylmagy, adalatly iş şertiniň döredilmegi we çeken zähmetleri üçin iň gowy aýlygyň berilmegi üçin uly tagalla edendiklerini we tagalla etmäge dowam etjekdiklerini belledi.

Prezident Erdogan  “Ösýän we güýçlenýän ýurdumyzda her bir raýatymyzyň bagtyýarlygy we iş mümkinçiliginiň artdyrylmagy üçin tagalla etmäge dowam ederis. 1-nji maý Zähmetkeşler we raýdaşlyk gününiň aýlykdan sosial hukuklara çenli ähli ugurlarda işçilerimiz üçin düşümli bolmagyny arzuw edýärin” diýip belledi.