Ysraýylyň Gazadaky hüjümlerinde ýogalýan palestinalylaryň sany artmaga dowam edýär
Gazadaky Palestinanyň Saglygy goraýyş ministrliginden berilen ýazmaça beýanatda, Ysraýylyň Gaza zolagyna 178 gün bäri dowam etdirýän hüjümleri barada maglumat berildi
Ysraýylyň goşunynyň Gaza zolagyna garşy 2023-nji ýylyň 7-nji oktýabryndan bäri dowam etdirýän hüjümlerinde ýogalan palestinalylaryň sany 32 müň 916 adama ýetdi.
Gazadaky Palestinanyň Saglygy goraýyş ministrliginiň metbugat geňeşçisi Eşref al-Kudra, Ysraýylyň Gaza zolagyna garşy soňky 24 sagatda guran hüjümlerinde 71 palestinalynyň ýogalandygy, 102 palestinalynyň ýaralanandygyny mälim etdi.
Gaza zolagyna garşy hüjümleriň başlan güni bolan 7-nji oktýabrdan bäri ýogalan palestinalylaryň sanynyň şeýlelikde 32 müň 916 adama ýetendigini aýdan Kudra, ýaralanan palestinalylaryň sanynyň bolsa 75 müň 494 adama ýetendigini aýan etdi.
Gazadaky Palestinanyň Saglygy goraýyş ministrliginiň metbugat geňeşçisi Eşref al-Kudra ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygyny, emma Ysraýylyň howpsuzlyk güýçleriniň päsgel bermegi sebäpli saglygy goraýyş edaralarynyň işgärleriniň we raýat goranyş edarasynyň işgärleriniň şol jesetleri ýygnap bilmeýändigini habar berdi.
