Polşa, Ruminiýa we Litwa Ýer Titremesi Sebäpli Türkiýä Kömek Berer
Kahramanmaraşda bolan 7,7 bal ululygyndaky ýer titemesinden soň Polşa, Ruminiýa we Litwa Türkiýä kömek berer.
Kahramanmaraşyň Pazarjyk etrabynda ir sagat 04.17-de bolan 7,7 bal ululygyndaky ýer titemesinden soň Polşa, Ruminiýa we Litwa Türkiýä kömek berer.
Polşanyň Içer işler ministri Kaminski, Twitterden beren habarnamasynda “Türkiýä kömek berilmegi üçin ýörite karar kabul edildi. Ýangyn söndürjiler şu gün Türkiýä gider” diýdi.
Kaminski, Polşadan 76 ýangyn söndüriji bilen 8 gözleg we halas ediş itiniň Türkiýä uradyljakdygyny belledi.
Ruminiýanyň hökümeti hem Türkiýä gözleg we halas ediş toparynyň ugradyljakdygyny mälim etdi.
Ruminiýanyň Prezidenti Klaýs Ýohannisiň tabşyrygy boýunça halas ediş we saglygy goraýyş toparynyň Türkiýä ugradyljakdygy bellenildi.
Litwanyň Daşary işler ministri Gabrielus Landsbergis hem ýer titremesine uly gynanç bildirýändigini mälim etdi.
Gabrielus Landsbergis “Biz Litwa hökmünde gözleg we halas ediş toparyny we ynsanperwer kömegini bermäge taýar” diýdi
Degişli Habarlar
Hamas, Ysraýyla Degişli 100 Ulagy Hatardan Çykardy
Ysraýylyň howpsuzlyk güýçleri bilen Palestinaly toparlaryň arasynda güýçli çaknyşyklar bolýar.
Gazada Ýogalanlaryň Sany Artmaga Dowam Edýär
Ysraýylyň 225 günden bäri Gaza Sektoryna garşy guraýan hüjümleri hakynda maglumat berildi.
