Nepalda 5,6 bal ululygynda ýer titreme boldy
Nepalda başdan geçirilen 5,6 bal ululygyndaky ýer titremede ilkinji kesgitlemelere görä 6 adam ýogaldy
ABŞ-nyň Geologiýa ylmy-derňew merkezi, Nepalyň demirgazyk-günbatarynda ýerleşýän Doti sebitinde, ýeriň takmynan 16 km aşagynda 5,6 bal ululygynda ýer titremäniň bolandygyny habar berdi.
Nepalyň Polisiýa gullugynyň metbugat sekretary Ted Prasad Rai, tebigy apatda azyndan 6 adamyň ýogalandygyny we ýogalanlaryň sanynyň artmagyna alada bildirýändiklerini mälim etdi.
Ýer titremede maddy taýdan zyýanyň çekilendigini we ýaralanan adamlaryň bardygyny aýdan resmiler, sebitdäki gözleg we halas ediş operasiýalarynyň arakesmesiz ýagdaýda dowam edýändigini aýan etdiler.
Nepalyň Premýer ministri Sher Bahadur Deuba Twitter hasabyndan beren beýanatynda, ýaralanan adamlara dessine lukmançylyk kömeginiň berilmegi üçin degişli guramadyr-edaralaryň işe girişendigini beýan etdi.
