Husiler Saud Arabystanyna we Birleşen Arap Emirliklerine Hüjüm Gurady
Ýemendäki husileriň Saud Arabystanyna we BAE-ne ballistiki raketalar bilen hüjüm gurandygy habar berildi.
ABŞ-nyň we BMG-niň Ýemen meselesine çözgüt tapmak üçin tagallasyny dowam etdirýändigine garamazdan husiler içerde çeken ýitgilerine garamazdan hökümetini goldaýan Saud Arabystanyna we Birleşen Arap Emirliklerine hüjümleriniň gerimini giňeltdi.
Arap Bileleşigi husileriň 17-nji ýanwarda BAE-niň paýtagty Abu Daba guran hüjümleri boýunça pikir alyşmak üçin BAE-niň talabyna laýyklykda düýn Müsüriň paýtagty Kairde hemişelik wekilleriň derejesinde nobatdan daşary maslahat geçirdi.
Arap Bileleşiginiň maslahatynyň jemleýji jarnamasynda husileriň asuda ilata we jemgyýetçilik ýerlere guraýan hüjümleri ýazgaryldy.
Hususilerin şol hüjümleriniň halkara hukugy we halkara gumanitar hukugy basgylaýandygyna üns çekilýän beýannamada, “ähli ýurtlara husi başbozarlary terror guramasy hökmünde yglan etmek üçin” çagyryş berildi.
BAE-niň Goranmak ministrliginden şu gün berilen beýannamada husileriň paýtagt Abu Daba atan iki ballistiki raketasynyň howa goranyş ulgamy tarapyndan täsirsiz ýagdaýa getirilendigi habar berildi.
Goranmak ministriligi Ýemeniň Jewf şäherinde ýerleşýän we Abu Dabi şäherine ballistiki raketalary atan ulgamyň F-16 kysymly harby uçar bilen urlup düşürilendigini habar berdi.
Husileriň harby böleginiň metbugat sekretary Ýahýa Seri düýn beren beýanatynda; “raketa we uçarmansyz howa ulaglary bilen Saud Arabystanyna we BAE-ne giň gerimli harby operasiýa gurandyklaryny” öňe sürdi.
