ABŞ Kiýewdäki Diplomatlarynyň Maşgala Agzalarynyň Ýurtdan Çykmagy Üçin görkezme Berdi

Döwlet sekretarlygy Russiýa bilen Ukrainanyň arasynda möwç alýan dartgynlyk sebäpli Ukraina syýahat etmezlik hakynda bildiriş çap etdi.

Bildirişde; “2022-nji ýylyň 23-nji ýanwarynda döwlet Sekretarlygy dowam edýän rus harby operasiýasy howpy sebäpli ABŞ-nyň Kiýew şäherinde ýerleşýän İlçihanasynda gönüden işleýän işgärleriň meýletin ýagdaýda Ukrainadan gaýtmagyna rugsat berdi we diplomatik maşgala agzalarynyň çykmagy üçin görkezme berdi. ABŞ-nyň Ukrainadaky raýatlary ähli şertlerden peýdalanyp, ýurtdan çykmagy göz öňünde tutmalydyr” diýilýär.

Russiýanyň Ukraina garşy harby operasiýa guramagy meýilleşdirýändigi hakyndaky habarlaryň bardygyna üns çekilen beýannamada; “Esasanda Ukraina serhedinde Russiýa tarapyndan basylyp alynan Krymda we Russiýanyň gözegçiligindäki gündogar Ukrainada howpsuzlyk şertleri durnuksyz” diýilýär.

Beýannamada guralmagy ähtinal harby operasiýada ABŞ-nyň Ukrainadaky diplomatik işleriniň hem zyýan görjekdigi nygtalyp, Ukrainadaky Amerikan raýatlaryndan-da aragatnaşyk üçin onlaýn form doldurmaklary talap edildi.