Abu-Dabiniň Mirasdar Şazadasy Prezident Erdogana minnetdarlyk bildirdi
Abu-Dabiniň Mirasdar Şazadasy Şeýh Muhammed bin Zaýed Al Nahaýan, düýn Ankara şäherine guran saparyndan soň Prezident Rejep Taýýip Erdogana minnetdarlyk bildirip telegramma ugratdy
Mähirli garşylama we myhmansöýerlikleri üçin Prezident Erdogana sag bolsun aýdan Abu-Dabiniň Mirasdar Şazadasy Şeýh Muhammed bin Zaýed Al Nahaýan, saparyň iki ýurdyň arasyndaky gatnaşyklara, umumy bähbitlere hyzmat etjek, iki dostlykly halkyň bähbidine boljak we olaryň gam-gussasyny aýyrjak ýagdaýda güýçlendirmegiň ýollaryny ara alyp maslahatlaşmaga mümkinçiligiň bolandygyny habar berdi.
Abu-Dabiniň Mirasdar Şazadasy Şeýh Muhammed bin Zaýed Al Nahaýan, Erdogana berk-jan saglyk we bagtyýarlyk, türk halkyna bolsa howpsuzlyk, durnuklylyk we abadançylyk arzuw edýändigini beýan etdi.
Beýleki tarapdan BAE-niň WAM habarlar agentligi, Abu-Dabiniň Mirasdar Şazadasy Şeýh Muhammed bin Zaýed Al Nahaýanyň Türkiýä guran sapary barada beýanat berdi.
Habara laýyklykda paýtagt Ankara şäherinde Prezident Erdogan bilen duşuşyk geçiren Bin Zaýed: "Ykdysady gatnaşyklarymyzy güýçlendirmek üçin netijeli gepleşikler geçirdik" diýip habar berdi.