Owganystanda metjitde bombaly hüjüm guraldy
Hüjümiň jogapkärçiligini entek öz üstüne alan ýok
Owganystanyň Kunduz welaýatynyň Saýed Abad sebitinde Şaýylara degişli metjitde guralan bombaly hüjümde ýogalan we ýaralanan adamlaryň bardygy mälim edildi.
Talibanyň Metbugat geňeşçisi Zabihullah Müjahid, hüjümiň juma namazy okalýan wagty guralandygyny habar berdi.
Hüjümde ýogalan we ýaralanan adamlaryň bardygyny aýdan Müjahid, Talibanyň harby güýçleriniň sebite barandygyny we hüjüm bilen baglanşykly derňew işiniň başladylandygyny beýan etdi.
Ýerli resmilere görä hüjümde azyndan 5 adam ýogaldy, 20-den gowrak adam bolsa ýaralandy.
Şaýatlar bolsa kamikaze hüjümiň guralandygyny aýan etdiler.
Hüjümiň jogapkärçiligini entek öz üstüne alan ýok.
Owganystanda geçmişde Şaýylara garşy guralan hüjümleriň ählisini terror guramasy DAIŞ öz üstüne alypdy.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.