Italiýada DAIŞ-e garşy göreş boýunça halkara koalisiýanyň maslahaty geçiriler
Maslahata Türkiýä Daşary işler ministri Mewlüt Çawuşogly wekilçilik eder
Italiýanyň ýer eýeçilik etmeginde geçiriljek DAIŞ-e garşy göreş boýunça halkara koalisiýanyň ministrler derejesindäki maslahaty, şu gün Rim şäherinde geçiriler.
Italiýanyň Daşary işler ministrliginden berilen beýanatda, Italiýanyň ýer eýeçilik etmeginde we ABŞ bilen bilelikde geçiriljek DAIŞ-e garşy göreş boýunça halkara koalisiýanyň ministrler derejesindäki maslahata, koalisiýa agza 81 ýurdyň wekilleriniň gatnaşjakdygy mälim edildi.
Rim şäherinde geçiriljek maslahatda teror guramasy DAIŞ-iň gutarnykly ýeňilişe sezewar edilmeginde koalisiýanyň sazlaşygyny, Siriýadaky we Yrakdaky saplanan sebitleri asudalyga gowuşdyrmak baradaky jogapkärçiligiň tassyklanmagy we iş toparlarynyň arasyndaky hyzmatdaşlygy artdyrmagy maksat edinýär.
Mundan başgada Italiýanyň talabyna laýyklykda Sahel we Afrika materiginiň tapawutly ýerlerinde DAIŞ bilen arabaglanşygy bolan terror guramalarynyň howplarynyň ele alynjakdygy mälim edildi.
DAIŞ-e garşy göreş boýunça halkara koalisiýanyň ministrler derejesindäki maslahata Türkiýä Daşary işler ministri Mewlüt Çawuşogly wekilçilik eder.
Ministr Mewlüt Çawuşoglynyň bu maslahatdan daşary, ministrler derejesindäki Siriýa temaly kiçiräk maslahata hem gatnaşmagyna garaşylýar.
Degişli Habarlar
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.
Eýranda Guralan Hüjümde 2 Adam Öldürildi
Terror guramasyna degişli ulag, ýaragly uçarmansyz howa ulagy tarapyndan nyşana alyndy.