Ruhani: "Sanksiýa bes edilse gepleşikleriň ýoly açylar" diýdi
Eýranyň Prezidenti Hasan Ruhani, ABŞ-nyň täze hökümetinden ýurduna garşy sanksiýalar bes edilen halatynda gepleşikleriň ýolunyň açyljakdygyny habar berdi
1590147
Ýurdyň paýtagty Tähran şäherinde Ministrler kabinetiniň mejslinden soň beýanat beren Hasan Ruhani, ýadro ylalaşyk bilen baglanşykly ABŞ-daky täze hökümetiň gowy beýanatlar berendigini we käbir oňyn ädimleri edendigini, emma olaryň ýeterlik bolmandygyny mälim etdi.
Ruhani: "ABŞ-nyň täze hökümeti ykdysady terrory bes etmelidir. Şony eden mahaly ýol açylar. Ana şol wagt gepleşikler geçirilip biliner. Ýadro ylalaşygyna ýene-de 2 maddanyň goşulmagy mümkin däldir" diýip beýan etdi.
Hasan Ruhani, gepleşikler stolunda bolmagyň ýolunyň Halkara Atom energiýasy agentligi bilen hyzmatdaşlykdan geçýändigini aýan etdi.