ABŞ-da Wirusa Ýoluganlaryň Sany 26 Million 166 Müň 423 Adama Ýetdi

Dünýäde täze görnüş koronawirus epidemiýasy sebäpli ýogalanlaryň sany 2 million 184 müň, wirusa ýoluganlaryň sany 101 million 447 müň, sagalanlaryň sany 73 million 337 müň adamdan geçdi.

ABŞ-da epidemiýa sebäpli ýogalanlaryň sany 439 müň 521, wirusa ýoluganlaryň sany 26 million 166 müň 423 adama ýetdi. Ak Tamyň koronawirusa garşy göreş topary, 4 hepde-de Kovid-19 sebäpli ýurtda 90 müň adamyň ýogalyp biljekdigini mälim etdi.

Britaniýada wirus sebäpli ýogalanlaryň sany soňky 24 sagatda 1725 adam artyp 101 müň 887, wirusa ýoluganlaryň sany 25 müň 308 adam artyp 3 million 715 müň 54 adama ýetdi. Premýer ministr Boris Jonson, wirusyň täze görnüşleriniň ýurda girmeginiň öňüniň alynmagy maksady bilen syýahat gadagançylygy goýlan ýurtlardan geljek iňlis raýatlarynyň karantina alynjakdygyny aýtdy.

Fransiýada Kovid-19 sebäpli ýogalanlaryň sany 1 günde 351 adam artyp 74 müň 456, hasaba alynan kesellileriň sany 26 müň 916 adam artyp 3 million 106 müň 859 adama ýetdi. Hökümetiň metbugat geňeşçisi Gabriel Attal, epidemiýanyň täsiriniň ýurtda gün saýyn güýçlendigi we Britaniýada gabat gelinen koronawirusyň has çalt ýokaşýan görnüşine ýoluganlaryň sanynyň köpelýändigi sebäpli goşmaça çäreleriň giriljekdigini aýtdy.

Demirgazyk Makedoniýada epidemiýa sebäpli 2 müň 821 adam ýogaldy, 91 müň 555 adam hem hasaba alyndy. Ýurtda koronawirusyň has çalt ýokaşýan görnüşine gabat gelindi.

Kovid-19 sebäpli Ispaniýada 57 müň 291, Kanadada 19 müň 511 adam ýogaldy.