Tramp Kovid-19-yň Uhan şäherinde ýüze çykandygyny subut edýän delilleriň bardygyny öňe sürdi

ABŞ-nyň Prezidenti Donald Tramp, täze görnüş koronawirusyň (Kovid-19) Hytaýyň Uhan şäherindäki laboratiriýadan çykandygyny subut edýän subutnamalary görendigini, emma häzirki wagtda olar barada jikme-jik maglumat bermejekdigini habar berdi.

Donald Tramp, Ak Tamda "Ýaşulylaryň goralmagy" temaly geçirilen maslahatda gün tertibiniň ileri tutulýan ugurlary bilen bagly soraglara jogap berdi. 

Kovid-19-yň Uhan şäherindäki laboratoriýalaryň birinde ýüze çykandygy bilen bagly öňe sürmeler bilen baglanşykly Trampa: "Uhan Wirusologiýa institutynyň wirusyň gözbaşydygy barada sizde ynam döreden bir subutnama gördüňizmi?" soragyna, "Hawa, gördüm" diýip jogap berdi. 

Metbugat işgärleriniň bu babatdaky beýleki soraglaryna bolsa Tramp: "Hytaý muny bilkastalýynmy ýa-da bilmän edenligini derňemek üçin ylmy-derňew işgärlerimiz munyň üstünde işleýär. Size häzirki wagtda mundan artykmaç zat aýdyp bilmerin" diýip belledi. 

Tramp Kovid-19 epidemiýasy babatynda Bütindünýä Saglygy goraýyş guramasyny tankyt edip: "Bütindünýä Saglygy goraýyş guramasy öz-özünden utanmaly, sebäbi Hytaýyň agentligi ýaly işleýär. Biz her ýyl bu gurama 500 million dollar pul berýän bolsak, Hytaý ýylda diňe 38 million dollar töleýär. Az ýa-da köp tapawudy ýok. Adamlar öz eden uly ýalňyşlary bilen dünýäde ýüz müňlerçe adamyň ýogalmagyna sebäp boldy, Bütindünýä Saglygy goraýyş guramasynyň bu ýerde bahanasy ýokdyr" diýip nygtady.