Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
France 24: Fransiýanyň Prezidenti Emmanuel Makron saglyk krizisiniň demokratik ýagdaýda dolandyrylýandygyny beýan etdi.
Le Soir: Bannu atly asteroid dünýä üçin howpmy? NASA hasaplamalaryny gözden geçirdi: "Bannu Gün sistemamyzda bar bolan iň howply 2 asteroidiň biridir" diýip belledi.
Le Monde: Alžiriň demirgazygynda dowam edýän ýangynlarda 69 adam ýogaldy.
Al-Dustur (Iordaniýa): Ysraýyl 2021-nji ýylyň başyndan bäri Gündogar Iýerusalimde 81-den gowrak öýi ýumurdy.
Al-Kudus al-Arabi (Saud Arabystany-Beýik Britaniýa): Ysraýyl we Marokko, Marokkonyň paýtagty Rabat şäherinde hyzmatdaşlyk we syýasy geňeşmeler ylalaşygyna gol çekişdiler.
Al-Raýa al-Katariýýa (Katar): Kataryň Emiri Şeýh Temim bin hamed Al Sani, täze ilçileriň bellenmegi bilen bagly karara gol çekdi.
Bild.de: Berlinde içalylyk dartgynlygy: Beýik Britaniýanyň Berlindäki ilçihanasynyň işgäri Russiýanyň peýdasyna içalylyk etmek bilen aýyplanyp, göz tussaglygyna alyndy.
Handelsblatt.de: Dünýäniň iň uly porty Ningbo ýapyldy. Şanhaý şäheriniň golaýyndaky port, koronawirusa ýolugan bir adam sebäpli ýapyldy.
La Wanguardia (Ispaniýa): Ispaniýa özi tarapyndan oýlanyp tapylan Kowid-19 sanjymynyň synagdan geçirilmegine rugsat berdi.
Infobae (Argentina): Owganystan: Taliban 9 welaýatyň merkeziniň gözegçiligini ele geçireninden soň, 1 aýyň içinde ýurdyň paýtagty Kabuly gabap biler we 90 günüň içinde häkimiýetiň başyna geçip biler.
Telesur (Wenesuela): Gaitide umumy saýlawlar 7-nji noýabra yza süýşürildi.
TASS: Düzüminde 13 syýahatçy we 3 ekipaž bolan Mi-8 kysymly dikuçar Kamçatkada köle gaçdy.
Kommersant: Çehiýa Respublikasy Russiýanyň goranyş önümleriniň iň uly importçysy boldy.
Izwestiýa: Russiýa Federasiýasynyň Adatdan daşary ýagdaýlar ministri Ýewgeniý Ziniçew, ýurdyň Döwlet baştutany Wladimir Putiniň buýrugyna laýyklykda Ýakutiýada dowam edýän tokaý ýangynlarynyň başdan geçirilýän sebitine gitdi.
