Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
France 24: Lionel Messi gözýaşy bilen Barselona futbol topary bilen hoşlaşdy.
Le Monde: Gresiýadaky ýangynlar: Ewia adasyndaky ýangyn entegem gözegçilik astyna alynyp bilinmedi, Afiny şäheriniň demirgazygyndaky ýangyn bolsa gözegçilik astyna alyndy.
Le Figaro: Fransiýada Kowid-19: 1500-den gowrak adam hassahanalaryň agyr keselliler bölüminde. Bir hepde ozal şol görkeziji 1000 adamdan hem azdy.
Al-Raýa Al-Katariýa (Katar): Gresiýada ýangyn söndüriji uçar ýangynlary söndürýän mahaly ýere gaçdy. Uçar heläkçiliginde uçarman halas boldy.
Rossiýskaýa gazedi: Türkiýede ýaşaýyş ýerlerine howp salýan ähli tokaý ýangynlar söndürildi.
TASS: Russiýa Dominik Respublikasy, Moldowa, Bahreýn ýaly ýurtlardaky syýahatçylyk zolaklaryna uçar saparlaryny ýaňadandan başlatdy.
RT: Russiýanyň Olimpiýa komitediniň başlygy Stanislaw Pozdnýakow, Russiýanyň milli türgenleriniň 2022-nji ýyldaky Gyşky Olimpiýa oýunlaryna Russiýanyň Olimpiýa komitediniň baýdagynyň astynda we ýurdyň milli senasynyň ýerine Pýotr Çaýkowskiniň sazy bilen gatnaşjakdygyny habar berdi.
El País (Ispaniýa): Kowid-19-yň Delta görnüşi Ispaniýada sentýabr aýynda açylmagy meýilleşdirilýän mekdeplere wehim salýar.
El Klarín (Argentina): Lionel Messi gözýaşy bilen Barselona futbol topary bilen hoşlaşdy: "Galmak üçin ähli zat edipdim" diýip habar berdi.
Telesur (Wenesuela): Çili Kowid-19 pandemiýasynda ýogalan adamlar üçin 2 günlük ýas yglan etdi.
Tageschau.de: Germaniýada koronawirus sanjymyny etdirmeýänlere garşy basyşlar artdyrylar.
Stern: Germaniýanyň Tokio olimpiýa oýunlary görkezijisi: Iki skandal we 30 ýylyň iň erbet netijesi.