Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
El Pais (Ispaniýa): Koronawirus epidemiýasynyň Delta görnüşi Ispaniýada tiz depginler bilen ýaýraýar, Delta görnüşi ýurdyň 4 awtonom zolagynda hasaba alyndy.
El Mundo (Ispaniýa): Ispaniýada täze Milli Howpsuzlyk kanuny, hökümetiň esasan hem gyssagly we uly krizis ýagdaýlarynda döwlet satyn alyş programmalarynyň üstündäki açyklyk gözegçiligini ortadan aýrylmagyna sebäp bolar.
TeleSur (Wenesuela): Urugwaý Günorta Amerika umumy bazaryň daşyndaky 3-nji ýurtlar bilen söwda ylalaşyklary bilen bagly gepleşikler geçirjekdigini habar berdi.
Al-Raýa (Katar): Yragyň Kerkük şäherinde elektrik tok geçirijisine garşy hüjüm guraldy.
Al-Kudus Al-Arabi: Saýlananyndan soň ilkinji gezek bir Arap ýurdyň lideri bilen duşuşyk geçirer. ABŞ-nyň Prezidenti Jo Baýden 19-njy iýulda Iordaniýanyň Şasy II Abdullah bilen duşuşyk geçirer.
Al Jazeera: BAE-niň Dubaý şäherindäki Jebel Ali portynda uly partlama boldy.
t-online.de: Italiýanyň ozalky futbol ýyldyzy Mario Balotelli Türkiýä geçdi we täze futbol möwsüminde Adana Demirspor komandasynda oýnar.
Tagesschau.de: Eksport 2020: Hytaý eksportda nemes enjam öndüriji pudaklaryndan geçdi.
Frankfurter Allgemeine Zeitung: ABŞ-nyň ozalky Prezidenti Donald Tramp, Twitter, Facebook we Google kärhanalaryna garşy kazyýete ýüz tutdy.
Bfm.ru: Russiýanyň Daşary işler ministri Sergeý Lawrow: "ABŞ 20 ýyllyk Owganystan missiýasynda derbi-dagyn bolandygyny kabul etdi" diýip habar berdi.
Lenta.ru:Russiýanyň Daşary işler ministri Sergeý Lawrow, Russiýa bilen Ýaponiýanyň parahatçylyk ylalaşygy bilen bagly ylalaşyk gazanmasalar hem, diplomatik gatnaşyklaryny kemçiliksiz dowam etdirýändiklerini mälim etdi.
TASS agentligi: Moldowanyň ozalky Prezidenti Igor Dodon, ýurtdaky ýagdaýy düzeltmek üçin gyssagly kararlaryň kabul edilmelidigini we täze bir hökümediň gerekdigini belledi.
France 24: Gaiti döwletiniň Prezidenti Howenel Moýzyň janyna kast edilmeginden soň 4 hakyna tutma esger öldürildi, 2-si göz tussaglygyna alyndy.
Le Parisien-Kovid-19: Fransiýanyň hökümetiniň metbugat geňeşçisi Gabriel Attal: "Koronawirusyň Delta görnüşine ýolugýanlaryň sany her hepde 2 esse artýar" diýip duýduryş berdi.
Le Monde: Euro 2020: Angliýa Daniýadan 2-1 hasabynda üstün çykanyndan soň, taryhynda ilkinji gezek finala çykdy.
