"تراکتور"دان شامپیونلار لیگینده واجیب غلبه

تبریزین "تراکتور" کلوبو آسیا شامپیون‌لار لیگینده نؤوبتی اویونونا چیخیب.

تبریز تمثیلچی‌سی سفرده بیرلشمیش عرب امیرلیک‌لری‌نین "الشارجه" کلوبو ایله قارشیلاشیب. "تراکتور" قروپ لیدری ایله گؤروشده واجیب غلبه قازانیب - 2:0. محمد عباس‌زاده دوبل ائدیب. بو نتیجه‌دن سونرا "آل قوردلار" 10 امتیازلا قروپدا 2-جی، "الشارجه" 11 امتیازلا ایلک پیلله‌ده قرارلاشیب.