لیورپولا اورتون شوکو

اینگیلتره پرمیر لیگده شامپیونلوق موباریزه‌سی وئره‌ن لیورپول، رقیب ائوینده اورتونا ۲-۰ مغلوب اولدو.

اورتون، ۲۷.جی دقیقه‌ده جارد برنثویتین گولویلا لیورپول قارشیسیندا ایلک یارینی ۱-۰ قاباقدا بیتیردی.

ائو صاحبی قروپ، ۵۸.جی دقیقه‌ده دومینیک کالورت-لوینین گولویلا فرقی ایکییه چیخاردی.

اویوندا باشقا گول اولمایینجا، لیورپول قارشیلاشمادان ۲-۰ مغلوب آیریلدی.

"قیرمیزیلار"، بو نتیجه ایله شامپیونلوق یولوندا ضربه یئدی.

گونون بیر باشقا اویونوندا، مانچستر یونایتد، قوناق ائتدیگی شفیلد یونایتدی ۴-۲ مغلوب ائتدی.

بو نتیجه‌ ایله ۷۴ پوئنده قالان لیورپول، ۷۷ پوئنی اولان لیدئر آرسنالین آردیندان ۲.جی سیرادا قالدی.

ایکی اویونو اسکیک منچستر سیتی ایسه ۷۳ پوئنده‌دیر.