"یئنی قورولاجاق آوروپا سوپر لیگی ییخیجی اولابیلر"
اینگیلتره، ایسپانیا و ایتالیادان ۱۲ کلوبون "آوروپا سوپر لیگی" آدییلا یئنی بیر تورنمنت تشکیل ائدیلمهسی قونوسوندا آنلاشدیغی بیلدیریلمیشدی
اینگیلتره باش باخانی بوریس جانسون، ایتالیا، ایسپانیا و اینگیلترهدن ۱۲ کلوبون قورولماسی قونوسوندا آنلاشدیغی "آوروپا سوپر لیگی"نین فوتبال اوچون داغیدیجی اولا بیلهجگی اویاریسی ائتدی.
جانسون، توئیتر حسابیندان ائتدیگی پایلاشیمدا، فوتبال آداملارینین یئنی لیگین قورولماسینا قارشی حرکته گئچمهسینی دستکلدیکلرینی بیلدیردی.
آوروپا سوپر لیگینین فوتبال اوچون "ییخیجی" اولا بیلهجگینی بیلدیرن جانسون، یئنی لیگین یئرلی لیگلره ده ضربه ووراجاغینی و اؤلکهده طرفدارلاردا راحاتسیزلیق یاراداجاغینی ایفاده ائتدی.
جانسون، "کلوبلار آددیم آتمادان اؤنجه طرفدارلارینا و داها گئنیش فوتبال توپلولوغونا جاواب وئرمهلیدیر" ایفادهسینی ایشلتدی.
اینگیلتره، ایسپانیا و ایتالیادان ۱۲ کلوبون "آوروپا سوپر لیگی" آدییلا یئنی بیر تورنمنت تشکیل ائدیلمهسی قونوسوندا آنلاشدیغی بیلدیریلمیشدی.
اینگیلترهدن آرسنال، منچستر یونایتد، چلسی، لیوئرپول، منچستر سیتی، تاتنهام هاتسپر، ایتالیادان میلان، اینتر و یوونتوس، ایسپانیادان آتلتیکو مادرید، بارسلونا و رئال مادرید کلوبلاریندان وئریلهن اورتاق آچیقلامادا آوروپا سوپر لیگینین قورولماسینا باغلی قرار بیلدیریلمیشدی.