"فنرباغچا" تورنیر جدولینده ایکینجی پیلله‌یه یوکسلیب

آوریلین 5-ده تورکیه شامپیوناتی‌نین 32-جی تورو چرچیوه‌سینده کئچیریلن قارشیلاشمادا "فنرباغچا" دوغما میداندا "دنیزلی سپور"و قبول ائدیب.

قارشی‌لیق‌لی هوجوم‌لار شرایطینده کئچن گؤروشده میدان صاحیب‌لری قوناق‌لاری مینیموم حسابلا اوسته‌له‌ییب‌لر. اویوندا وورولان یگانه قولون مؤلفی ساماتتا اولوب.

حاضیردا تورکیه سوپرلیگی‌نین تورنیر جدولینه 64 امتیازلا "بشیکتاش" باشچی‌لیق ائدیر. ایکینجی پیلله‌ده 62 امتیاز توپلایان "فنرباغچا"، اوچونجو پیلله‌ده ایسه 61 امتیازا مالیک اولان "قالاتاسارای" قرارلاشیب.

قئید ائدک کی، یئنی مؤوسومده سوپرلیگده 21 تیم یاریشیر. 32-جی توردا "غازی آنتپ" استراحت ائدیب.