هاکان فیدان بولقاریستاندا بیر سیرا گؤروشلر کئچیریب
هاکان فیدان بولقاریستانین پایتاختی صوفیادا باش ناظیرین معاوینی و خاریجی ایشلر ناظیری ماریا گابریل ایله گؤروشوندن سونرا کئچیریلن بیرگه مطبوعات کنفرانسیندا آچیقلاما وئریب.
"مونترو بوغازلاری سوزلشمهسینی هرطرفلی یئرینه یئتیرمهیه داوام ائدجییک".
بونو خاریجی ایشلر ناظیری هاکان فیدان بولقاریستانین پایتاختی صوفیا-دا باش ناظیرین معاوینی و خاریجی ایشلر ناظیری ماریا گابریل ایله گؤروشوندن سونرا کئچیریلن بیرگه مطبوعات کنفرانسیندا دئییب.
روسیا-اوکراینا محاربهسی ایله قارا دنیزده گرگینلیگین آرتماسینا دقت چکن هاکان فیدان "مونترؤ کنوانسیونونون ایجراچیسی اولاراق قارا دنیزده باریشین قورونماسی و اونو تهلوکه آلتینا سالاجاق تشببوسلرین قارشیسینین آلینماسی اساس اونجه لیکلریمیزدندیر" دئییب.
تورکیه، بولقاریستان و رومانیا آراسیندا قارا دنیزده "مین لره قارشی تدبیرلر ایش قروپو"نون یارادیلماسینا دایر راضیلاشمادان ممنونلوغونو وورغولایان هاکان فیدان بونو بولگهسل تهلوکهسیزلیک امکداشلیغی اوچون نمونهوی فاکت کیمی گؤستردیکلرینی بیلدیریب.
هاکان فیدان قئید ائدیب کی، ساحیلیانی اؤلکهلر اولاراق بونو هم بولگه سل صاحیبلنممه پرینسیپینه، هم ده متفیقلیک روحونا اویغون آددیم کیمی گؤروروک.
ناظیر فیدان "مونترؤ کنوانسیونونو هرطرفلی ایجرا ائتمهیه داوام ائدجییک. نیینکی بو مسئلهنی موذاکیره ائتمک، بو بارهده دوشونمک بئله مومکون دئییل" دئییب.
آلبانیا-داکی رسمی تماسلاریندان سونرا بولقاریستانا گئدن هاکان فیدان اولجه پایتاخت صوفیادا حاق و آزادلیقلار حرکاتی (HÖH) پارتیاسینین صدری وظیفهسینی تحویل وئرمک اوزره اولان مصطفی کارادایی ایله گؤروشوب، پارتیانین همصدر نامیزدلری جودت چاکیروو و دلیان پیوفسکی ایله بیر آرایا گلهجک.
ناظیر فیدان بولقاریستان-داکی تماسلارینی باشا ووردوقدان سونرا چرشنبه گونو رومانیایا رسمی سفر ائدهجک.
سفرلر زامانی ایکی طرفلی علاقهلرله یاناشی، گونجل، بولگهسل و قلوبال حادثهلر ده موذاکیره اولونور.