اردوغان: اینسانلیق تاریخین ان وحشی قیرغینلاریندان بیری یاشانیر

جمهورباشقانی رجب تطیب اردوغان،

"غزه‌ده، ۷ اکتبردان بو یانا اینسانلیق تاریخین ان وحشی قیرغینلاریندان بیری یاشانیر" دئدی.

جمهورباشقانی اردوغان، ایستانبولدا تشکیل ائدیله‌ن دونیا ایسلام بیلگینلری مشاویره ذیروه‌سی آچیلیش پروگرامیندا دانیشدی.

اؤزلرینی 'اؤزگورلوکلر اؤلکه‌سی' اولاراق ساتیشا چیخارانلارین، ایسرائیلین چبخارلاری سؤز قونوسو اولونجا بیردن فاشیزمه یؤنه‌لدیکلرینی سؤیله‌یه‌ن اردوغان،

"آرالاریندا سرطان خسته‌لرینین ده اولدوغو ۴۰۰ون اوزرینده غزه‌لی خسته و یارالینی، اؤلکه‌میز خسته‌خانالاریندا معالیجه ائتدیریریک" دئیه دانیشدی.

"وجدان صاحبی اؤلکه‌لر، توپلوملار دیشیندا کۆره‌سل سیستمین آغالارینین ایسرائیله باسقی تطبیقی ائتمه‌سینی گؤزله‌مک تامامیلا بیهوده‌دیر" ایفاده‌سینی ایشله‌دن جمهورباشقانی،

"ایسرائیلین هر وجدانلی سسی آنتی‌سمیتیزم زوپاسی ایله ایله سوسدورماسینا فورصت وئرمه‌یه‌جییک" دئیه دانیشدی.

غزه‌ده ایسرائیل سالدیریلارینین باشلادیغی ۷ اکتبردان بو یانا اینسانلیق تاریخین ان وحشی قیرغینلاریندان بیرینین یاشاندیغینا ایشاره ائد‌ن اردوغان،

"ایسرائیل سوچسوز قانی تؤکمه‌یه داوام ائدیر. ۱۵ مین اوشاق آجیما‌سیزجا قتل ائدیلدی. ۳۵ مین فیلیسطین‌ی قارداشیمیز شهید ائدیلدی. ۲ میلیون اینسان ائویندن یوردوندان کؤچه مجبور ائدیلدی. ۷ اکتبر اؤنجه‌سینده اونسوز دا بیر آچیق هاوا حبس‌خاناسی اولان غزه سون ۲۱۹ گوندور، نومونه‌سینی یالنیز هیتلر آلمانیاسیندا گؤردوگوموز یوخ ائتمه دوشرگه‌سینه چئوریلدی" ایفاده‌لرینی ایشلتدی.

"بوتون اؤلکه‌لری تئزلیکله فیلیسطین دؤولتینی تانیمایا دعوت ائد‌ن" اردوغان، "حماس، (غزه یولاغیندا) قالیجی آتیش‌کسه گئدن یولدا حقیقتاً چوخ حساس بیر آددیم آتدی، (ایسرائیل باشباخانی بنیامین) نتانیاهو رهبرلیگینین جاوابی ایسه رفح‌ده‌کی سوچسوزلارا سالدیرماق اولدو" دئدی.

جمهورباشقانی دانیشماسیندا،

"افغانیستانین بغلان ویلایتینده‌کی سئللرده حیاتینی ایتیره‌نلره الله‌دان رحمت نیاز ائدر، افغانیستان خالقینا گئچمیش اولسون دیلکلریمی چاتدیریرام" دئدی.

بغلاندا میدانا گلن فلاکتده، ۳۰۰دن چوخ جان ایتکیسی وار.