جمهور باشقانی اردوغان موکافاتا لاییق گؤرولنلرین آدلارینی آچیقلاییب
جمهور باشقانی رجب طیب اردوغان "2023-جو ایل جمهور باشقانلیغی مدنیت و اینجه صنعت بؤیوک موکافاتی"نین غالیبلرینی آچیقلاییب.
جمهور باشقانی رجب طیب اردوغان "2023-جو ایل جمهور باشقانلیغی مدنیت و اینجه صنعت بؤیوک موکافاتی"نین غالیبلرینی آچیقلاییب.
پرزیدنت اردوغان سوسیال مئدیا حسابیندان ائتدیگی پایلاشیمدا:
"تورکیه عصری ویزیونونا تحفه لری و باشاری لاری ایله جمهوریتیمیزین 100-جو ایل غرونونو تاچلاندیران 2023-جو ایل جمهور باشقانلیغی مدنیت و اینجه صنعت بؤیوک موکافاتینین غالیبلری اولان صنعتچی لریمیزی، علم و مدنیت آداملاریمیزی تبریک ائدیرم. وفا موکافاتینا لاییق گؤرولن اینسانلاریمیزا الله-دان رحمت دیلییرم" دئییب.
جمهور باشقانی اردوغانین پایلاشیمیندا "2023-جو ایل جمهور باشقانلیغی مدنیت و اینجه صنعت بؤیوک موکافاتی" علم ساحهسینده سلیمان اولوداغ، مدنیت ساحهسینده علی بیرینجی، موسیقی ساحهسینده امل سایین، رساملیق ساحهسینده ایلهامی آتالای، کاریکاتورا ساحهسینده حسن آیجین، سینما ساحهسینده سامی شکراوغلو، دیجیتال صنعت ساحهسینده رفیق آنادول، معمارلیق ساحهسینده سینان گئنیم و ادبیات ساحهسینده نازان بکیراوغلوونون لاییق گؤرولدوگو بیلدیریلیب.
پایلاشیمدا وفا موکافاتلارینا آتیلا ایلحان، باریش مانچو، اسماعیل هاکی اوزون چارشیلی، محسن ارطغرول و سامیها آیوردینین لاییق گؤرولدوگو قئید اولونوب.