هاکان فیدان نیویورک-دا بیر سیرا ایکی طرف‌لی گؤروش‌لر کئچیریب
ناظیر فیدان اسلوواکیا، نیکا‌راگوئه، ایسپانیا، کوبا، بولقاریستان، گورجوستان، بلاروس، بحرین و پاناما ایله یاناشی بیر چوخ اؤلکه‌دن اولان همکارلاری ایله گؤروشوب.
خاریجی ایشلر ناظیری هاکان فیدان بیرلشمیش میللت‌لر تشکیلاتی‌نین 78-جی عمومی ایجلاسینا قاتیلماق اوچون گئتدیگی نیویورک-دا بیر سیرا ایکی طرف‌لی گؤروش‌لر کئچیریب.
ناظیر فیدان اسلوواکیا، نیکا‌راگوئه، ایسپانیا، کوبا، بولقاریستان، گورجوستان، بلاروس، بحرین و پاناما ایله یاناشی بیر چوخ اؤلکه‌دن اولان همکارلاری ایله گؤروشوب.
تورک ائوینده پانامانین خاریجی ایشلر ناظیری جاناینا توانی منکومو ایله گؤروش‌دن سونرا ایکی اؤلکه آراسیندا "سیاسی مصلحت‌لشمه‌لر مخانیزمی‌نین یارادیلماسینا دایر آنلاشما سندی" ایمضالانیب.
هاکان فیدان آوروپا بیرلیگی‌نین خاریجی ایشلر و تهلوکه‌سیزلیک سیاستی عالی نوماینده‌سی جوزپ بورل ایله ده گؤروشوب.
نیویورک-دا کئچیریلن "گله‌جه‌ین ذیروه‌سی ناظیرلر سویه‌سینده حاضیرلیق توپلانتی‌سی"ندا ایشتیراکچی‌لارا مراجعت ائدن هاکان فیدان قلوبال ایداره چیلیگین دونوشومونه، چوخ طرفلیلیگین گوجلندیریلمه‌سی و بمت-ده اصلاحات‌لارین آپاریلماسی اوچون نه لرین ائدیلمه‌سی‌نین واجیب‌لیگینی وورغولاییب.
هاکان فیدان همچنین بمت-نین مدنیت لر آراسی اتفاقی‌نین دوست‌لار قروپونون خاریجی ایشلر ناظیرلری توپلانتی‌سیندا و ایسلام امکداش‌لیق تشکیلاتی‌نین ایللیک ناظیرلر کووردیناسیون توپلانتی‌سیندا ایشتیراک ائدیب.
