هاکان فیدان کانادانین خاریجی ایشلر ناظیری ایله گؤروشوب

خاریجی ایشلر ناظیری هاکان فیدان اؤتن گون کانادانین خاریجی ایشلر ناظیری ملانی جولی ایله گؤروشوب.

ناظیرلیگین ایکس سوسیال مدیا پلاتفورموندا ائدیلن پایلاشیمدا ناظیر فیدانین کانادالی همکاری جولی ایله پایتخات آنکارادا گؤروشدویو بیلدیریلیب.

دیپلوماتیک منبعلردن الده ائدیلن معلوماتا گؤره، 2024-جو ایل تورکیه ایله کانادا آراسیندا دیپلوماتیک علاقه‌لرین قورولماسینین 81-جی ایلدؤنومونه تصادف ائتدیگی حالدا، سون ایللرده خوصوصیله اتوموبیل، دنیزچیلیک و انفورماسیون تکنولوژیلری سکتورلاریندا امکداشلیق داها دا اینکیشاف ائدیب.

تخمینا 3 میلیارد دولار اولان تورکیه‌-کانادا تیجارت حجمینین قیسا مودتده 5 میلیارد دولارا چاتدیریلماسی هدفلنیر.

ایلکی 2019-جو ایلده ایستانبولدا کئچیریلن کانادا ایله بیرگه اقتصادیات و تیجارت کومیته‌سینین گؤروشونون گله‌جکده ‌ده تکرارلانماسی گؤزلنیلیر.