اردوغان بیرلشمیش میللتلر باش قورولوندا دانیشدی
"آرتیق هر کسین قبول ائتدیگی کیمی، قاراباغ، آذربایجان تورپاغیدیر. بونون دیشیندا بیر ایستاتوسون دایاتیلما‌سی اصلا قبول ائدیلمه‌یه‌جک"
جمهورباشقانی رجب تایییب اردوغان، بیرلشمیش میللتلر گوونلیک شوراسینین، آرتیق دونیا گوونلیگینین ضمانتی اولماقدان چیخیب، ۵ اؤلکه‌نین سیاسی استراتژیلرینین چارپیشما ساحه‌سی حالینا گلدیگینی سؤیله‌دی.
جمهورباشقانی اردوغان، آمریکا بیرلشمیش دؤولتلرینین نیویورک شهرینده‌کی بیرلشمیش میللتلر باش قورول سالونوندا، ۷۸.جی عمومی قورول گؤروشمه‌لرینده ایشتیراکچیلارا خیطاب ائتدی.
بیرلشمیش میللتلر باش کاتیبی آنتونیو گوترشین ائتدیگی "۲.جی دونیا ساواشی سونراسی قورولان قوروملارین بو گونون دونیاسینی عکس ائتدیرمه‌دیگی" دوشونجه‌سینه تورکیه‌نین ده قاتیلدیغینی دیله گتیره‌ن اردوغان،
"گوونلیک شوراسی آرتیق دونیا گوونلیگینین ضمانتی اولماقدان چیخمیش، ۵ اؤلکه‌نین سیاسی استراتژیلرینین چارپیشما ساحه‌سی حالینا گلمیشدیر." دئدی.
بیرلشمیش میللتلرین لیدئرلیگینده دونیانین گوونلیگینی، دینجلیگینی، رفاهینی تامین ائتمکله وظیفه‌لی تشکیلاتلاری سرعتله یئنیدن قورماق لازیم اولدوغونو وورغولایان اردوغان،
"جغرافیاسییلا و دموگرافیسی ایله، دونیاداکی بوتون کؤکنلری، اینانجلاری، مدنیتلری تمثیل قابیلیتینه صاحب بیر قلوبال رهبرلیک معماریسی تیکمه‌لیییک" دئدی.
۲۰۲۲ فوریه‌دن بو یانا سوره‌ن روسیا-اوکراینا ساواشینا دا توخونان اردوغان، بونون، تورکیه‌نین، اوکراینانین موستقیل‌لیگی و تورپاق بوتونلوگو تملینده، دیپلوماسی و دیالوگلا سونا چاتدیریلماسینا دایر چابالارینی آرتیراراق داوام ائتدیرجگینی بیلدیردی.
جمهورباشقانی، سوریه‌نین تورپاق بوتونلوگو و سیاسی بیرلیگینه ان بؤیوک تهدیدین، بو اؤلکه اوزرینده حسابی اولان گوجلرین گودومونده‌کی ترور هؤرگوتلرینی وئریله‌ن آچیق دستک اولدوغونو وورغولادی و:
"سوریه و عراق باشدا، اورتا دوغو، قوزئی آفریقا و ساحل‌ده، اؤز چیخارلاری اوچون داعش و بنزرلریندن اؤرتو اولاراق ایستیفاده ائد‌نلرین ریاکارلیقلاریندان بئزدیک" دئیه دانیشدی.
اردوغان، صیرف اؤز سیاسی، اقتصادی منفعتلری اوچون ترور هؤرگوتلری ایله ایشه داوام ائد‌ن اؤلکه‌لرین، تروردان و ایلگیلی پروبلئملردن شیکایت ائتمه حاقینین اولمادیغینی قید ائتدی.
اورتا دوغویا قالیجی باریشین گله‌بیلمه‌سینین، آنجاق فیلیسطین-اسرائیل پروبلئمینین سون بیر حله قوووشدورولماسییلا مومکون اولاجاغینا ایشاره ائد‌ن اردوغان،
"۱۹۶۷ سرحدلری تملینده موستقیل و جغرافی بوتونلوگو صاحب فیلیسطین دؤولتی حیاتا گئچیریلمه‌دن، اسرائیلین ده آختاردیغی دینجلیگی و گوونی تاپابیلمه‌سی چتیندیر" ایفاده‌لرینی ایشلتدی.
" بیزیم کیمسه‌نین حاقیندا گؤزوموز یوخ‌ور، کیمسه‌نین ده حاقلاریمیزی یوخ سایماسینا ایجازه وئرمیریک، وئرمه‌یه‌جییک" دئیه‌ن اردوغان، اولوسلارآراسی توپلومو، قوزئی قیبریس تورک جمهوریتینین موستقیللیگینی تانیمایا، بو اؤلکه ایله دیپلوماتیک، سیاسی و اقتصادی باغلار قرورماغا دعوت ائتدی.
جمهورباشقانی، تورکیه‌نین آوروپا بیرلیگی عضولوگویله باغلی اولاراق دا،
"آمریکادا‌ن گؤزلنتیمیز، اؤلکه‌میزه دایر تعهدلارینی سرعتله یئرینه یئتیرمه‌سیدیر، تورکیه‌یه قارشی سرگیلنه‌ن ایکیرجیکلی/معین اولمایان داورانیشلارین سونا چاتماسی لازیمدیر" دئدی.
آذربایجان-ارمنیستان ایلیشکیسینه ده توخونان جمهورباشقانی اردوغان، ایکی اؤلکه آراسینداکی گؤروشمه سوره‌جینی باشیندان بری دستکله‌دیکلرینی آنجاق ارمنیستانین بو تاریخی فورصتی دگرلندیره‌بیلمه‌دیگینی سؤیله‌دی.
ارمنیستانین باشدا زنگه‌زور کوریدورونون آچیلماسی اولماق اوزره وئردیگی سؤزلری یئرینه یئتیرمه‌سینی گؤزله‌دیکلرینی بیلدیره‌ن اردوغان،
"آرتیق هر کسین قبول ائتدیگی کیمی، قاراباغ، آذربایجان تورپاغیدیر. بونون دیشیندا بیر ایستاتوسون دایاتیلما‌سی اصلا قبول ائدیلمه‌یه‌جک" دئدی.
